المساعد الشخصي الرقمي

مشاهدة النسخة كاملة : شارك بأجمل ماقرأت من مخزون الذاكرة الشعرية


نجم الكويت
02-07-2008, 06:24 AM
هناك أبيات تعلق بالذاكره ولايمكن نسيانها أو تجاوزها مهما سمعنا من شعر

كلما تجدد الحدث كلما تذكرنا هذه الأبيات

وسبب تعلقنا بها إما لقوة الاسلوب أو لجمال الفكرة أو لخصوصيتها في حيتنا وملامستها لواقع نعيشه


شارك معنا بأجمل ماقرأت وسجل حضورك بأبيات أعجبتك

وأبدأ بهذه الأبيات الجميلة :

لاتحايـد .. لاتحايـد .. ولـو هـي بالعـنـاد

..................................... العنـاد ارحــم ولا الوقـفـة المستنـكـرة

الـف درب ٍ تستفـزك .. ولااظنـك جـمـاد

................................ والله ان بعـض الجمـاد يتخيّـر مكـسـرة !

والشجـر إنسـان .. لكنـه اوغـل بالحيـاد

.................................... قل معي : ملعون شخـص ٍ تشبّـه بـشجـرة !

كيف عقب الطيش والعيش في جـرح وضمـاد

..................................... يصبح اللـي لا رمـوه بحجـر طـش ثمـره !؟

عاد وان قلت: " الشجر جاد " قلنا: كيف جاد ؟!

...................................... .دون أن يملك علـى منـع جـوده مقـدرة !؟

من عجز عن بخل .. ما للكـرم فيـه امتـداد !

...................................... مثل ما القـدرة علـى الثـار سـاس المغفـرة !

يارفيقي واستمع لـي .. وخـذ علـم ٍ وكـاد

........................................ لايـغـرك مايقولـونـه اهــل البـربـرة !

انتهـى الماضـي وجينـا مـع علـوم ٍ جـداد

...................................... تـــــــــنتـمـي للعـقـل ماتنتـمـي للمقـبـرة !

الكـرم .. لـو كـان بـذل النفايـس للعبـاد

.................................... كـان مـا سـت الصبايـا تسمـى الجوهـرة

الكرم : أن ترخص الشمـع فـي عـز ّ السـواد

...................................... الكـرم : أن تمنـع الدمـع عـن وجنـة مـرة

والكريم : اللي عطـى النـوم لعيـون السهـاد

.......................................والشجيع : اللي غفـى مـا تذكـر خنجـره !

والله ان اللـي يحسـب الشجـاعـة بالـزنـاد

........................................ مثل من يحسـب حـلاة الحديـث الثرثـرة !!

وانت تدري قلـة الهـرج مـن كثـر الرشـاد

...................................... غير شِعري لـو كثـر .. بالرشـاد استكثـره !

إيه شاعر واطلب الصفـح عـن ذنـب المـداد

........................................... في بـلاد ٍ سـاوت الشعـر باكـواز الـذرة !!

والله اني ما حرثـت الـورق وارجـي حصـاد

....................................... مير شفت الارض تـرزح تحـت ثقـل صخـرة

واذكر انـي شفـت قلبـي وعشقـه بازديـاد

.............................................واذكـ ر انـي ليـن هالحيـن فكـري بعـثـرة

لجـل هـذا أكتـب الشعـر .. واذم الحـيـاد

........................................ ولجل هذا قلت هالشطـر " ليتـك تذكـره " :

" الشجر: انسـان .. لكنـه اوغـل بالحيـاد "

........................................ قل معي : ملعـون شخـص ٍ تشبّـه بشجـرة !



تركي حمدان

نجم الكويت
02-07-2008, 06:29 AM
ياللي على وجهي قريتي كل صفحات الشقى

اقري وانا بكتب قصيده واشعل الساحه حريق

باقي كثر ماراح واللي راح نصف اللي بقى

وان ماوصلتْ لغايتي بموت في نصف الطريق

يابنت يوم امطر غلاك في قلب ضيدان وسقى

تدرين وش سـبة شقاها وسبة الجرح العميق

شقاها من يمناه واسم الشيخ والنفس امحقى

والجرح منك يا أعذب العذبات يالموت الرقيق

يابنت مادام البدو تخلف هقاوي من هقى

وانا بدوي متني يشيل من الزمن مالا يطيق

ابى افتخر حنا بدو نعشق على وضح النقى

حنا بدو فينا الولد للقمه العليا عشيق

حنا بدو فينا الولد لو شاف موته مااتقى

حنا بدو فينا الولد يرقى ولوماله رفيق

حنا بدو فينا الولد لامن رقى رقى رقى

الين يوصل غايته لو كانت في قمة طويق

يابنت جيتك والثمن عمري ابي ليلة لقى

يامّا كذا ولا بلاش من الصداقه والصديق

وساعة تبسمتي وشفت الجمر والثلج اصدقى

قلت اشهد ان الموت حق وصحت لك صيحه غريق

واعتقت دمعي والزعل والحزن لرضاك اعتقى

واغفت عيوني في عيونك ياعساها ماتفيق

وآمنت باللي سخرك تقرين صفحات الشقى

واشعلت بردي في دفاك وشبت الساحه حريق






ضيدان بن قضعان

نجم الكويت
02-07-2008, 06:34 AM
الغبي من لا اتّعظ من محاجره اتّعاظ
كم رجع من سيف رمشه كريمٍ في الحضيض

في الصدر منه انبساطٍ وفي النهد انقباض
فوضوية جسمه اعطت لكلْ شيءٍ نقيض

منه في الردف ارتفاعٍ وفي الخصر انخفاض
عالم الجسم الخرافي لكلْ داله يهيض

ليس من نوع الطوال الطوال ولا العراض
في تمرّد ردفه اتعب مجزّئة الغريض




ناصر الفراعنة

نجم الكويت
02-07-2008, 06:40 AM
كيف أطفي الريح بثيابك وكيف اشعلك

كيف اتنثر على جمرك وكيف احتويك

نقضت ليل الحرير وجيت ماانت لهلك

سمّيت باللي فتني بك وقلت ابتديك

هذا اول الدرب او هذا الطريق اولك

جيت آتوقّا عذابات المدى واهتديك

شوقي مسافة وهمساتك مدار وفلك

ان ماظميتك غلى ياعلني ماارتويك

إية اعرفك واعرف اني من غلاك اجهلك

مرات اضمّك واخاف اني مشبة عليك

مرات اشوفك بنفس الوقت واتخيلك

وانشد كفوفي عن اخر سالفة من يديك

أعنّ لك لو تصّب الموت واتهيّلك

واجوع لك وآتمنى خنجرك واشتهيك

ماقلت لك عمر سيف العشق مايقتلك

ماتشوفني حي قدامك وانا اموت فيك

اشتقت لك قبل اجيك وجيت واشتقت لك

البارحة طول ليلي بين هذي وذيك

مليت جمر انتظارك واستحيت أسألك

واحسبتني ما بعد جيتك وفكرت اجيك

اثرك بقلبي من البارح وانا استعجلك

واثري نسيتك من الفرحة وقمت احتريك


الشاعر: مساعد الرشيدي

نجم الكويت
02-07-2008, 06:53 AM
ولدت ساطي ومتغطرس وأحب الخصام
ولا أعترف في إدارة طبع ولا مدير


أوجدت نفسي من اللاشي والانعدام
نبذت فالمجتمع لاني صريح وفقير


ماكان تفكيري الا كيف أخطف السنام
والحمد لله خطفت اليوم كل البعير


إن لم يكن مركزي بالصف الاول أمام
ماعاد تفرق معي لو كنت قبل الاخير


الله أكبر ولله البقاء والداوم
وهو الاله الاحد وهو السميع البصير


أخذت من مدرسة أحمد عليه السلام
مالا خذيته من مخاوى وزير وامير


وأخذت من تجربة عبدالعزيز الامام
وش يصنع العلم لاخاواه سيف شطير


واخذت من فلسفة هتلر عدم للالتزام
وكسبت نفسي وريحت القلق والضمير


وابشرك حالتي دايم على مايرام
من ركعتين الصباح الين عقب الاخير


صحيح عندي تحفظ عند بعض الانام
مثل معمر وابو مازن وتوني بلير


لكن انا مااحب اقلل الاحترام
واذهب ضحية طموح الغرب وانا صغير


قومية المسلمين اللي عليها الكلام
راحت معا خالد وعمرو وعلي والزبير


الله ولا الذل والتخوين والانهزام
ياعابدين العروش الوضع جدا خطير


يابو خلف كيف حالك عل حالك تمام
انسى القصيدة وهات علوم اخوي الكبير


شيخ عرفته وتقريبا لي اربع اعوام
يومني اجيه لا جاير ولا مستجير


يشوقني له نشوق الوسم عقب الحيام
في صفرة جوها ماهو بفية هدير


الشيخ ابو خالد محمد عداه الملام
اللي يصير من الاصرار مالا يصير


حد الثماله اعزه لا علي الحرام
اني احبه وحبٍ لو درابه يطير


يطير مثل الوحش لاضف ريشه وحام
وحول على الذايره بالجو مثل المغير


ان الملوك اذا اعطوك حب وغرام
خلوك من سائر الخدام يعني خفير


الا انت ياراعي التقدير والاهتمام
ياللي رحمت الصغير وشلت هم الكسير


اذا البلاط الاميري والكنب والرخام
له شاعر يدهله في صبح والا عصير


فانا دهلت الثريا و القمر و الغمام
وحولت اداهل طرف مشلحك مالي خشير


كفرت بالناقصه والغدر والانتقام
وامنت باانك حزامي بالنهار العسير


من لايقدر ثباتك مع عكاك الزحام
ماهو بوالله مقدر ويش معاني جرير


ياراس عيطا يا مسك البدء قبل الختام
يالنادر اللي على صيد المكارم شهير


يالمهدي المنتظر بالحاجتين الجسام
المدة المسكته والاخذ بيد الضرير


ياسيدي ودي افهق لك ضلوع العظام
واعطيك شي بصدري وانت رجل خبير


ان تراني اعاني نوب من انفصام
يوثر على البرمجة في راسي المستدير


واصير احس اني البارود والا الحسام
في ساحة الشعر من تبوك لاقصى عسير


مما يسبب لبعض اعدائي الاحتدام
اللي يحسبون قرض الشعر مثل الشعير


والشعر وان كانه المقصود باول مقام
فالله يرحم ابو الطيب ويرحم زهير


روح التنافس وحب الشيخ والانضمام
ماهي بتعني لدى الكثرة نهاية مصير


والشاعر اللي معه عزوة خوال وعمام
تفداه وايل وترقب مستعدة مطير


والله فلا ينقهر والا يضيق ويضام
لاجاء اللزز والملاقى والقبس والنذير


وجمع الدراهم ماهي باكبر طموح الغلام
اللي جمع من قلوب الناس شي كثير


من حبني رغم تفويتي له الانخدام
واللي كرهني فهذا شخص ملعون صير


دام المعارك صغيره ماعلينا لزام
ينوب عن سيفي البتار اصغر جفير


قرات فيم قراته من بلوغ المرام
اللي ترك شي لله عاضه الله بخير

الشاعر ياسر التويجري

نجم الكويت
02-07-2008, 07:09 AM
جا يشـوف الحـال كيفـه بعـد ماهـزه حنينـه..وقبل يسألني سألتـه : كيـف حالـك يالحبيـب ؟

قال : انا كنـي غريـب ضيـع دروب المدينـه..قلت : انا كنـي مدينـة تنتظـر رجعـة غريـب

قال : اجل وش فيك تكره سيرة الحـب وسنينـه..قلت : أجل وش لون ما اكره سيرته دامك تغيـب

انت لا من غبت حتى مرايتـك صـارت حزينـه..كيف ما تبغاني أحزن وانت لي حظ ونصيـب !؟

الهدايـا و الرسـايـل و المكاتـيـب الثميـنـه..والليالي و القمر و الريـح و الكـون الرحيـب

كل ما تبعد .. تجيـب الشعـر ليـه مـن يدينـه..و تقعد جروحـي تـودي فالطواريـق و تجيـب

يا بعـد كـل القصيـد و نـزوة حـداه و انينـه..لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحـوح لينـه.... ياخذ لجرحي بثاره مـن خطايـاك و يطيـب

و بعد هذا جـاي ترمـي ذنبـك بوجـه المدينـه..مـا دريـت ان المدينـه كلهـا شمعـة غريـب



للمبدع فهد المساعد

نجم الكويت
02-07-2008, 07:25 AM
هلابك من قدمك لغرتك ولشعرك المنثور
...................... هلا في كل شي فسك وانت اغلى مساييري

احد ربي يحطك له حبيبي ولايجيه اغرور ؟
......................... انا مهما منحتك من غلاي اشعر بتقصيري

حبيبي. وكل الله . لاتحسبني بيليد شعور
........................... انا لولا غلاك العذب مابدي لك معاذيري


( مساعد الرشيدي )

نجم الكويت
02-07-2008, 07:28 AM
هبت جنوب وطاح برد المكاتيب
..................ويا كثر ما هب الجنوب وذكرته

يملا حضوره من حضوري وانا اغيب
..................وياما غيابي في غيابه حضرته

انا جا مطر صارت له اضلوعي اشعيب
..................وان راح ريح(ن) طير اللي بذرته

طال السكوت ومال صمتي مطاليب
..................غير الكلام اللي وقف وانتظرته

جنبت لو مالي عن الدمع تجنيب
..................من وين ما صديت فيني شعرته

واصمتي اللي صار فعيونهم عيب
..................واجرحي اللي لو فضحني سترته

لي صاحب(ن) يملا كفوفه تراحيب
..................لولا الحيا من ضحكته ما اعتبرته

يا صاحبي ماهي عليا مقاضيب
..................عذروبي انك ذخري اللي ذخرته

عذروبك انك شوهتك الاكاذيب
..................عذروبك انك جاك طيب ونكرته

ان جيتني بفراق زود العذاريب
................ لاجيك انا من زود صبر صبرتــه

للطير جنحان وريش ومخاليب
..................لكن يضيع صيدته في غبرته

ومن جزم نفسي يوم صار الردى طيب
..................حلمي قبل لا يكسرونه كسرته

ومن راح مني قـلت يا عله مصيب
..................دورت له عذر(ن) كريم وعذرته

للي يبي بعدي انا ماني قريب
............... اما ربحني ولاانا مـاخسـرتـه

قلبي خويي مالقلبي معازيب
..................واللي حقرني من رداه احتقرته

رغم الجروح اللي بقلبي معاطيب
............ حبيت كفين الزمــان وشكــرته





سعد الحريص

نجم الكويت
02-07-2008, 07:29 AM
العذر مكتوب لاصـار الخطـاء مقـري
.............. آسف على ضحكتي وآسف على احزاني

خطـاي معـذور والا غلطتـي عـذري
.............. و مرارة العذر فـي قلبـي وفـي لسانـي

مدري وش اللي ذكرت وضاق به صدري
.............. مـدري وش اللـي نسيـت ولاتنسانـي

لبست انا ثـوب لاطولـي ولا قصـري
.............. ياطيبـه القلـب ويـن القلـب ودانــي

سنتين من عمرها مـرت ومـن عمـري
.............. سنتيـن احـس الزمـن فيهـا تعـدانـي

سنتين مرت حياتـي مـن ورا ظهـري
.............. والحب سجنـي ومسجونـي وسجانـي

والشعر مطرود من قلبي ومـن فكـري
.............. سنتين ماني ب انـا مانـي باحـد ثانـي

غنيـت للنـاس والدنيـاء علـى خبـري
.............. والشعر في دفتـري مغـرور وانسانـي

غنيـت للحـب يـوم عيونهـا تـغـري
.............. يوم الوفـاء والكـلام الطيـب الحانـي

غنيـت للدمـع يوم(ن) البكـى كـبـري
.............. واليوم انا اكبر من دموعـي وحرمانـي

اليوم ماعاد يمـدي اللـي جـرح يبـري
.............. مليـت كثـرت خطاياهـم وغفـرانـي

مليت انا الشعر مل الشعر مـن شعـري
.............. مليت انا الحـب مـل الحـب وجدانـي

و لو هي عليه عزيز النفس مـن صغـري
.............. ماشاور القلـب فـي كرهـي لعدوانـي

ان رحت ياكثرهـم وان جيـت ياكثـري
.............. ضاقت بي عيونهم لـو كنـت وحدانـي

تعبت وازريـت مامليـت مـن صبـري
.............. ليـت الـذي راح منـي كثـر ماجانـي

احيان ودي اطيـح مـن التعـب وازري
.............. و تشيلنـي عـزتـي وسـلـوم جـدانـي



سعد الحريص

نجم الكويت
02-07-2008, 07:33 AM
نعي فالذاكره حلمٍ يوصيني بمشط وشال
................................ وصوت أمي ينادي لاتجي ربعك بخاطر عمس

أنا أمك . لاصعدت أصعد مثل دعوة فقير الحال
................................... والى منك نزلت أنزل مثل غيثٍ سقى له غرس



فهد عافت

نجم الكويت
02-07-2008, 07:42 AM
استكثرك وقتي علي وغدى بك
............................... عادت زماني طل ماطاب هون

ليت الذي وداك يازين جابك
............................. وتشوف عقبك كيف الايام سون


طويتني طي الورق في كتابك
................................ حتى معاليق الحشا لك تطون



خالد الفيصل

نجم الكويت
02-07-2008, 07:44 AM
ولاصار ما لك اليا منك ركضت اغبره
شوري عليك اترك البيدا .. وكب الطراد


نايف صقر

نجم الكويت
02-07-2008, 07:47 AM
ليت ربي خلقني في زمانٍ مضى
...................... يوم الاجواد تفرق بين ظفر. وردي

يوم صوت العذارى لنتشر فالفضا
....................... الشرود إيتهيب والشجاع ايعدي

واتخير عشيرٍ . للمدايح حظى
......................... لأجل يطلع مطاليع الشجاع ولدي


( عابرة سبيل )

نجم الكويت
02-07-2008, 07:50 AM
شاعـر تزلـزل مـن فراقـك كيانـه
لك يعترف مايسكن القلب غيـر انـت
لو كـان قلبـك صافـى الـود خانـه
فـى ذمّتـى ماهـان حبّـك ولا هنـت
أحـدٍ يخـون وأحـدٍ الوقـت خـانـه
أنا ترى الثانى .. والأول تراه أنت ..!!




( متعب التركي )

..

نجم الكويت
02-07-2008, 07:51 AM
المســـــاجد والصخا والصوم وســـمان الجلايب ...... والمصاحف والحرم والهيل والطيب وسبيله

والبنادق والكرم والنوق وارســان الركـــــايب ....... والليــالي والحطب والنار والتمـر ونخيله

والمزاهب والســــفر والخيل وظهــور النجايب ....... والمساري والسهر وسهيل والبيد الطويله

من يعزيــها بعد ما مات حـــــلال النشـــــايب ....... من يســامرها بعد ما مات كساب الجميله

يا لله الوهاب غياث الثـــرى جــــزل الوهايب ....... يا لله المنـــــان يالــرحمن يارب النفيـــله

سق لقبره من بكور الوسـم هتان الســـــحايب ....... ماطـــرٍ تروي به القيعــان والظامـي يخيله

والغصون اللي طعنها البرد بســـيوف الهبايب ...... لاتثنــــى في يدين البــرد ليـن ابرد غليله

ميتٍ يالدمع وجفـــون الزعل قبر و نصـــــايب ...... والبكا بارد وانا روحي على جمر المليله

الشاعر / نايف صقر

نجم الكويت
02-07-2008, 08:02 AM
من صار لي في الرخا عبدٍ وانا عمه
........ لا جاء القسا صرت له عبدٍ وهو عمي

للشاعر ناصر الفراعنة

نجم الكويت
02-07-2008, 08:04 AM
بيني وبين اللي يغنون بـه فـرق
لاني اشقي بـه واحبـه واخافـه

والمزنه اللي شاب في قطنها البرق
سالت ونستها الرعـود ارتجافـه


نايف صقر

نجم الكويت
02-07-2008, 08:05 AM
والحب لو دمعه على وجنتك سااال
إن كان قدرت التعب والكلايف

نايف صقر

نجم الكويت
02-07-2008, 08:06 AM
يا بنت لو قيمتي في مظهر لباسي=كسيت ثوبي ذهب من كمه لـ .. كمّه
عزيز نفس .. وغرورك ما طوى ياسي=ولـعيونك السود جيت بحزم وبهمّه
يا فرحتي .. يا ربيعي وأهلي وناسي=البيض خالات كل الزين وأنتي أمه ..!!

ضيدان بن قضعان

نجم الكويت
02-07-2008, 08:09 AM
ليت لي منه مثل ماللكفيف من المقدي=كان ماشيدت بيت الحزن طوبه فوق طوبه
وليت لك منه مثل ماللضعيف من التحدي=كان ماطاح الشجاع الي ستر جرحه بثوبه




ضيدان بن قضعان

نجم الكويت
02-07-2008, 08:10 AM
من يشب بمحجر العين طريا اللرقاد = من يقول انه عن النوم كله في غنى
من يقلد جمرة الحرف سيفٍ من رماد = من بنى مثلي ظنونه وهدّ اللي بنى

لـ مساعد الرشيدي

نجم الكويت
02-07-2008, 08:11 AM
على كثر الكلام . وكثر ماقبل الكلام أمزوح
نسيت ولا ذكرت . الكلمتين اللي على بالي

أخاف . أن قلتها . وأن قلتها . وان قلتها . بمزوح
توشحتني ملامات الصديق . وشرهة الغالي

مساعد الرشيدي

نجم الكويت
02-07-2008, 08:11 AM
تعطيني الود والا تاخذه مني
.......................... يبلغك قلبي المقفي تحياته

اليوم ياصاحبي رد الخبر عني
....................... ما يرخص الغالي إلا كثر زلاته



مساعد الرشيدي

غالب الكوز
02-11-2008, 04:07 PM
شكراااااااااااااا جزيلاااااااااااااااااا

ابو حاتم
02-13-2008, 01:41 PM
شكرااااااااااااااااااا