ديوان :: الشاعر جابر هايف العتيبي ::

نبذة عن الشاعر :

الشاعر جابر بن هايف العتيبي
دولة الكويت




قصائد الشاعر :

1 - إيه الشعر
2 - الخمره
3 - صعلوك
4 - السؤال
5 - الفرقا
6 - نصابه
7 - من الآخر
8 - ثوبي كفن
9 - امسك اعصابك
10 - رنة الخلخال
11 - العنفوان
12 - مبهمه
13 - مجنونتي
14 - بسمة الم
15 - اذكروني
16 - كلي ذنوب
17 - يا غبيه
18 - صباح الخير
19 - يامجلس الامة
20 - عنيزة
21 - الشيخ منصور
22 - بكل وقاحه
23 - خايـنـات
24 - الرقاصه والطبله
25 - يا ناس حنا
26 - قلة آدب
27 - حكاية من صباح السالم
28 - هلوسة
29 - ســبــع سـاعـات
30 - بالمعرفة طزين
31 - زنديق شعراء
32 - خيول الشقا
33 - يا لجنة المليون
34 - يابويه
35 - قد الكلام
36 - نزف النخاع
37 - ياحايره
38 - ســـارة
39 - خط ثاني
40 - عـربـيـد

1 - إيه الشعر

الشعر فكره نبضها مـن داخلـك تستحضـره=وبقـدّ ماتقـدر تحـاول كـل ذوق تلامـسـه
إيه الشعر .. جوع وفقـر ولا حكايـة مقبـره=إيه الشعر .. في شاعره يشعل فتيلة هاجسـه
إيه الشعر .. نار وعذاب وليل مؤلـم تسهـره=إيه الشعر .. كل إحتياج ٍ في ضلوعك حابسـه
إيه الشعر .. اللي قصيدك يرتجل فـي منبـره=إيه الشعر .. حرف ٍ على لاهب لسانك حامسه
إيه الشعر .. إيه الشعر ماكل شاعـر يقـدره=إيه الشعر .. ماهو شعر كان المشاعر يابسـه
ماهو شعر / هذا الشعر بأتفه شعور ٍ تشعـره=ماهو شعر / أن تمتطي كرسي وتصبح فارسه
ماهو شعر / اللي عشانه تصير شاعر مصخره=ماهو شعر / اللي جماهيـره مراهـق وآنسـه
ماهو شعر / اللي تقول ولاأنت فاهـم أكثـره=ماهو شعر / جمع الكلام وفي بعضه أتعافسـه
ماهو شعر / لو ما العنيد من القوافي تصخـره=ماهو شعر / إنـك تعيـد الثالثـه بالسادسـه
ماهو شعر / شعر بحبيب الأمس تهجي وتحقره=ماهو شعر / مدح اللي مايستاهل أحد يخامسـه
ماهو شعر / اللي تبيعه بكل حفـل ٍ وجمهـره=ماهو شعر / اللي رفع قدرك عن اللي تجالسـه
ماهو شعر / اللي على كل حبـل لازم تنشـره=ماهو شعر / به تنشهّر من كل كلـب تباوسـه
ماهو شعر / بيت ٍ صحيح وبيت ثاني تكسـره=ماهو شعر / وزن الخليـل ولادخـل مدارسـه
أنا اللي تلهمني وأغني طرقـي وقافـي مـره=سلم على أستاذ الخليل وشرحه ماني دارسـه
ماهي مره إلا عظيمـه كيـف مثلـي تأسـره=ولا أنخلق اللي يـرد العـرش لـي وتنافسـه
البارحه بعد أجتيـاح الذنـب صـدر المغفـره=وقفّ على منديلها كاس ٍ عطش لـه تارسـه
حاولت أنساها وأنسـى كـل شـي ولاأذكـره=لكن سكرت وشفتها في وسط كاسـي جالسـه
حقي على نفسي كبير ولجلهـا قلـت أخسـره=وش فايدة حقي على نفسي وحظـي طامسـه
ياهوه وأورام النخـاع أمـا نسيـت بتحفـره=يعني بيذبحني مرض موتـي بمخـي غارسـه
على بـلاط البارحـه كانـت وجيـه مبعثـره=عرفتها وأنا اللي بنسى فـي جنـون أمارسـه
حتى الغريق أشوف له وجه ٍ يشابـه لبحـره=ولانسيتـه لـو تمـوت بداخلـي نـوارسـه
لملمتها بعد ماطاح اللي سـرح علـى ظهـره=حتى تعوذ من رجيـم أقـذر مكـان وخانسـه
كله سرح بعيونهـا وهـي جالسـه تستنظـره=اللي ذبحت يوم اللقا مع مـن تحبـه حارسـه
إيه أذبحت ولا أنكسر خفوقهـا وهـي تنحـره=وتمسح يديها في كفن مقتولهـا اللـي لابسـه
يسعد لي جرحك يالوريـد بنـزف دم ٍ تنثـره=على جفون الليل وتدمع بك عيـون ٍ ناعسـه
يالبارحـه كـم بارحـه فالبارحـه متنـكـره=بأربع جهات ألقى عذابي وأنتي صرتي خامسه

2 - الخمره

إلـيـكـم هالقـصـيـده .. ياجمـاهـيـري وهـــي خـطــره=وخـلـوا .؟ هالرقـابـه تسـجـن الـشـاعـر وجـمـهـوره !!
هــدوءًا .. أيــوّ .. هالـسـاده حـضـور الحـفـل والسـهـره=مسـاء الخيـر .. عالصـاحـي وأشــوف الـنـاس مخـمـوره !
أنـا آسـف عـلـى الأزعــاج ولـكـن طــارت .. السـكـره=ذكـرت أنـي قبـل ساعـات ..؟ .. أصـيـل وعـزوتـي نــوره
علـى فـكـره .. ( الكرفـتـه ) .. عـجـزت أفكّـهـا عـسـره=أبــي واحــد ينـزلـهـا .. أو .. أيّ وحـــده ومـشـكـوره
وأبـي ثوبـي .. جيبـوا لـي ثـوبـي الأشـهـب مــع الغـتـره=قـبـل والله .. لطربـقـهـا عـلــى هالـحـفـل بـحـضـوره
ولا واحـــد يتـكـلـم قـبــل مـــا أخـلــص الـنـشـره=ومــن يحـكـي قـسـم بالله لــدوس بـرجـلـي حـنـجـوره
تـراهــا .. قـفـلـت يـاســادة أبــــلادي ويـاسـتــره=وهــي مدامـهـا خـربـت .. بـقــول اللـيـلـه الـثــوره
أنــا بحـكـي مــن أول يــوم جـيـت لـدنـيـة ٍ قـــذره=وتـكــرم عـــن قـذارتـهـا بــيــوت الله ومـعـمــوره
أنـا مولـود .. فـي ليـلـة شـتـا .. مــع بـردهـا مـطـره=فـي خيمـه وســط صـحـرا مابـهـا سسـتـر .. ودكـتـوره
أنـا ياحضـرة الـسـاده غـريـب .. وضــاع مــن صـغـره=لـعـن .. جــدي زمـانـي بـيـن .؟ مـدهـوره ومـهـجـوره
حمـلـت مــن الشـقـا .. مــالا يـطـاق وجايـكـم ذكــره=ولانــي عـاجـز .. أتحـمـل وأمــوت بـنـفـس مـقـهـوره
وأنـا أدري يـذبـح الـرجـال .. كـثـر الصـبـر فــي قـهـره=وعــن قـهـر الـرجـال المصـطـفـى حـــذرّ ومـذكــوره
وهـم قـالـوا .. مفاتـيـح الـفـرج .. للـحـيّ فــي صـبـره=وأنــا أشــوف الصـبـر مفـتـاح ضـــاع وزاد طـابــوره
تعـبـت المـلـم أيـامـي .. بـيـديـن الـهــم والـحـسـره=تعـبـت ألـمـع الـبـرواز وأمـســح غـبــرت الـصــوره
تعبـت أبـوس كـف الجـوع وخـشـم الفـقـر طــال عـمـره=تعبـت أكـذب علـى الحـاجـه ... وأقــول الـحـال ميـسـوره
تعبـت أحمـس مــن القـهـوه .. وأحــط السـمـن والتـمـره=تعـبـت ودلـتـي وحـــده .. وكـــل شـــوي مـنـثـوره
أحسـب الـعـز بالـدلـه .. وبـيـت الـنـذل .. بــه عـشـره=دلالــه .. أكـثــر المـلـعـون .. وملـيـانـه ومـسـطـوره
أنــا بحـكـم الـبـداوه .. أنــزرع فــي داخـلـي بـــذره=عـن أعـلـوم المـراجـل .. الــف بــذره فيـنـي مـبـذوره
تربيـنـا .. عـلـى الـديـن ونـطـيـع الله مـــع شـكــره=وتعلمـنـا نصـلـي ونـحـفـظ الـقــرآن وكـــل ســـوره
تعلمـنـا نـحـب الـضـيـف وفـيـنـا الـكــرم .. فـطــره=تعـلـمـنـا نــقــول الــصـــدق .. لالــفـــه ولادوره
تعلمـنـا نحـلـب الـنـوق .. ونـعـرف وشـهــي الـبـكـره=تعلمـنـا الضـمـا .. وحـنـا بيـديـنـا الـبـيـر مـحـفـوره
تعلـمـنـا وكـثـيـر الــلــي تعـلـمـنـاه وش كــثــره=أخـذنــا درس بالـدنـيـا .. بـــلا دفــتــر وســبــوره
وأنـتـم ياسـكـارا .. الحـفـل عـفـوًا .. أيــوّ .. هالـزمـره=مـنـو فيـكـم عــرف قـهـر الـزمـان وظلـمـه وجــوره
مـنـو .. فيـكـم وطــاه الـجـوع وذلــه وصفـقـه فـقـره=مـنـو .. فيـكـم عــرف يحـتـاج للقـمـه ونـشــف زوره
مـنـو .. فيـكـم مــن الضيـقـه حـفـر بأصابـعـه قـبـره=مـنـو .. فيـكـم رقــد ليـلـه وســط أجـسـاد مـقـبـوره
منـو .. فيكـم مشـى حافـي .. برمـضًـا .. كنـهـا الجـمـره=مـنـو .. فيـكـم سـهـر لـيـل الـظـلام بــدون أبـاجـوره
لكم ( الماء ) .. ( والوجه الحسن ) .. ( والمـال ) .. (والخضـره )=ولنا حنا ( الضما ) .. ( والجوع ) .. ( وفقر ) .. ( وشيفة ٍ عوره ) !؟
ولامــره .. ضـحـك حـظـي بوجـهـي .. وأشـكـره مــره=وغـيـري يبتـسـم حـظـه .. وكــل أيـامــه مـســروره
كتبـت الشعـر .. مـن صـغـري وبيـوتـي مابـهـا .. كـسـره=وأنـتـم تـبـرزون الـلـي .. كـتــب بيـتـيـن مـكـسـوره
أنـا ياحـضـرة الـسـاده .. فقـيـر ٍ مــا أغتـنـى ّ بشـعـره=مـدام .. ( المومـس ) .. اللـي تـشـري الأشـعـار مشـهـوره
وأنـا ياحضـرة .. السـاده ..هـنـا الليـلـه .. وعـلـى فـكـره=تـرى .. ( هالبدلـه ) .. مسروقـه .. ورجلـي بجزمـه محشـوره
ولـكـن قـلـت .. أبحـظـر .. هالحـفـل والعـمـر أبختـصـره=وأبـي أبـدع .. معاكـم وسـط .. ليـلـة أنــس .. ومحـظـوره
وأذا كـانـت .. رجولـتـكـم بـكــأس الـثـلـج والـخـمـره=أنـا بشـرب .. بــدون الـكـاس وثلـجـه .. ألــف قــاروره
أبـويـه .. قــال لــي مــرّه .. دســم شـاربـك بالغـبـره=مايـدري .. بالشـنـب محـلـوق .. وجـابـر فـاقـد أشـعـوره
أنــا بمـشـي مــدام الـلـيـل ودّع .. وأبـتــدى فـجــره=بـروح أرد .. ( هالبـدلـه ) .. عـلـى المـعـلاق .. مــزروره
وأنـا أدري ياكـلاب الحـفـل أنــي .. ( بالسـجـن ) .. بـكـره=مــدام الليـلـه جـبـت العـيـد بـهـذا الحـفـل وحـضــوره

3 - صعلوك

هلفوت وضايع منتهـي وأتصعلـك=اوكي أنا صعلـوك طبعـي وشكلـي
سكير ومدمن للنسـا منهـو قلـك!؟=لايكون أختـك نالـت أمجـاد خلـي
طيب أبعرف كيف هذا وضـح لـك=وش شفت مني ياأسود الوجه قلـي
هـذا جزايـه يـوم فكيـت قفلـك=سويت بك معروف وأرخيت حبلـي
رفعت قـدرك أنـت وآلاف شكلـك=وأنتـم تذمونـي وتهابـون ظلـي
كنت أحسبك رجال وتعمـل بأصلـك=وأثرك طويل آذان ( وحمار ) أصلي
لو الكرامـه روح ماعـاش مثلـك=ياللـي بعرقـك دم الأنـذال يغلـي
غرك قطار ( الشهره ) اللي وقف لك=وصدقت نفسك نجـم ياربـع ملـي
يلعن أبو الأعلام يومه سمـح لـك=وخلاك تتمادا على شخـص مثلـي
مانيب عبد ٍ عندك أو عنـد أهلـك=أنت اللي عبدي وعبد عبد ٍ لأهلـي
حلـت عليـك اللعنـه وتتجـه لـك=رفقًـا بحالـك مانـي جايلـك كلـي
برقصّك بشويـش وأنتـه ياخبلـك=يحرم عليك النوم لاأوحيـت طبلـي
أبوصلـك ملـزوم أجيلـك وأذلـك=يمكن نسـوا أهلـك يربـوك قبلـي
كان الجمل شال الحمول وبـرك لـك=أنا اللي شايل الجمـل فـوق حملـي
وإن كان حظك في زمانك ضحك لك=ثق إني أضحك ع الزمن ماضحك لي
هين بسيطه نلتقـي وأعتـرف لـك=أيهّو محلـك أنـت وأيهّـو محلـي
لو دامت الغيرك وش اللـي وصلـك=أتفل بوجهي إن ماوصلـك وصلـي
وعشان تلفت ناظري والتفـت لـك=تنزل على ركبتـك وتحـب رجلـي
ماباقـي إلا أنـت وأهتـم لأجـلـك=ياهم كثيـر اللـي يموتـون لأجلـي
وإن كانهـا بالشعـر خلـك محلـك=من غيري لـه أم القوافـي تصلـي
أنذار أخير وحطنـي وسـط عقلـك=منته بقـدي لأجـل أوريـك فعلـي
هالمره الحشمه لمنهـو شفـع لـك=طوفتهـا ياصغيـر وكبـرت عقلـي

4 - السؤال

ذبحني هالسؤال أرجـوك قلـي بـس وش جابـه=دخيلـك ليـه تتعمـد مـع ضحكـك تبكينـي..؟؟
من البـارح تعيـده هالسـؤال وتطـرق أبوابـه=وعلى نفس الطريق اللـي تجـي منـه تودينـي
ياأخـي وش تبـي منـي وحزنـي وش تلقابـه=يهمك إيش في هذا.!!؟ عذابي وإنخلـق فينـي.!!
تبي تعـرف حكايـة شاعـر ٍ جمهـوره أحبابـه=تبي تعرف يصفق ليـه جمهـوري ويحيينـي..؟
لأن الشعر عنـدي ماهـو بـس أوراق وكتابـه=ولاني من فراغ أكتب وأبي تكثـر دواوينـي..!!
تبي تعرف شاعر ليه؟؟ هـاك الشعـر وأسبابـه=تبي تعـرف مكانـي وين!؟؟رتبّهـا وتلاقينـي!!
فقر مال .. وفقر حال .. وفقـر حيلـه وطلابـه=فقر حـظ ٍ كريـم .. أمدلّـه كفـي ويعطينـي..
فقر دين .. وفقر دنيا .. وجوع ٍ تنهـش أنيابـه=فقر راحه .. وفقر صحه.. وفقر فرحـه تنسينـي
فقر أيه الفقـر يعنـي ضيـاع العمـر وركابـه=فقر يعني فقـر يعنـي عـذاب وضيـم مالينـي
وراس الفقر..وراس الجوع..وعمر طارت أسرابه=وحـق الدرهـم اللـي مانـوى مـره يخاوينـي
رضعت الويل من صغري ولبست الحزن وثيابـه=على شط الشقا مولـود وهمـي كـان يروينـي
تقطع وجهـي وجلـدي بنـاب الفقـر ومخلابـه=ولكنـي عزيـز النفـس ولـو أحتـاج تغنينـي
كساني ثوبي المشقـوق وبيـن النـاس أزهابـه=وكـل ٍ يلتفـت يمـي يظـن بتنكسـر عيـنـي
حشا ماتنكسر عيني وأنا اللـي وقتـه يهابـه..!!=عزاي أني فقيـر وصـارت النظـرات ترمينـي
عيون النـاس تطعني..وكـل ٍ يغـرس أحرابـه=وبعض عيون أقدرها وبعض عيون تدمينـي..!!
وشلـي مابعـد قلتـه وتبغـى تعـرف أعرابـه.=مضـت ساعـات أتكلـم وأنتـه بـس توحينـي
تبي تعرف حكاية عشـق وبنـت ٍ حيـل لعابـه=تبي تعرف عن أسباب الجفا مابينهـا وبينـي..؟؟
تخيـل جتنـي وقـالـت فـمـان الله يابـابـه=تشرفـنـا بمعـرفـتـكـويالله لاتـأذيـنـي..!!
وأنا أعشقها "ثمان سنين" وهي (تلعب وكذابه)..!!=تسلـي نفسهـا فينـي ونيتـهـا تخليـنـي..!!
تبي تعرف حكاية قبـر وطفلـه تسكـن ترابـه..=تبـي أقـولـك مظلـوم ودّم الطفلـه بيديـنـي
تبي تعرف وش الغربه ومن اللـي طـول غيابـه=تبي أحكي قبل أعـوام بالتفصيـل أنـا وينـي.؟؟
تبي أحكي لك عن الزاهد وعن ذنبه في محرابـه=دخيلك ماأقدر أتكلـم خـلاص أرجـوك أعفينـي
قسم بالله فـي صـدري مدينـه تلتحـف غابـه=مدينـه ساكنـه قلبـي وغابتـهـا شراييـنـي
دخيلك سكر الموضوع وشف لـك شـي تسلابـه=أنـا منـك ألاقيهـا أو ألقاهـا مــن سنيـنـي

5 - الفرقا

بـلاش نعيـد بالموضـوع .. مـدام النّيـه الفرقـا=عن أذنك .. لوتكرمتي وأنا أعرف وشهو ؟؟ الباقي !!
وداع لعذرك التافـه !! .. وكـذب جفونـك الغرقـا=وداع لزيـف أشواقـك وصـدق وطيـب أشـواقـي
فمـان الله .. والذكـرى ؟ فراشـه لونهـا زرقــا=على ورد الضمير .. تعيش وتعشق ريحـة أخلاقـي
تغطيها الضلـوع العـوج .. هاللـي نصفهـا حرقـا=وتسـلا .. فـي بساتيـن الحنايـا وروض خفاقـي
فمـان الله .. والباقـي سنيـن وجيهـهـا عـرقـا=أخاف أخـدش حياهـا لـو أبـوح بحلمـك الراقـي
وداع ومّره قلتيها .؟ شقـيّ ومـن عاشـرك يشقـا=وأنا من يوم قلتيهـا وأنـا أعـرف ؟ ودك أفراقـي
نسيتينـي ؟ إلاهـك بالشعـر يالراهـبـه الحمـقـا=نسيتـي كـم ركعتـي ثـم سجدتـي فـوق أوراقـي
تركتيني ..؟ لجل خدي عليـه مـن الزمـن صفقـا=صفقني فقـري وجوعـي وعمـر ٍ أنخلـق شاقـي
تحدتنـي سنينـي .. وأنكسـرت ونيـتـي طـرقـا=تمنيـت الطمـوح اللـي تحقـق لحضـة أغـراقـي
ولكـن .. أعرفـي بالله ؟ وحـق الغـرب والشرقـا=وحـق النجـم والكوكـب وغيـم ٍ هــل بـراقـي
قنوع / وعزتي / فوق / احتياجي / توقف / وترقـا=تعلمت / الشموخ / من النخـل لـو عافـه الساقـي
وسّري ماعرفه أنسان .؟ ولكـن !! تعـرف الورقـا=أهي تعرف سبايب جـرح ؟ عـاش سنيـن بعماقـي
سبب هالجرح ..؟ أنزف هالقصايـد وأرحـل وتبقـا=يرددهـا ..؟ بعـد موتـي !! جماهيـري وعشاقـي
فمـان الله .. ولـو بعشـق بـدّور غيـرك وبلقـا=وأنتي لـو تحبيـن السمـا غيـري ويـن أتلاقـي

6 - نصابه

وخير أشصـار أذا رحتـي ودرب الكلـب ع. القصـاب=مصيـرك راجعـه مـع درب ودّى غـيـرك وجـابـه
شنـو يعنـي أذا رحتـي مـن كـذاب إلـى كــذاب=شنـو يعنـي وغـيـر الكـاذبـه ألفـيـن كـذابـه
على فكـره تـرى النصـاب ماينصـب علـى نصـاب=وكـل بنـت ٍ بهالدنـيـا تـقـول أحــب نصـابـه
أنا مانـي غشيـم أحـط أيـدي فـي جحـر هالـداب=وصعبـه مرتيـن ألـدغ بهـذا الجحـر ومـن دابـه
صحيح أنـي هـواوي وأعتـرف أنـي قتيـل أهـداب=ولكـن مـن ذبحـنـي بالـهـدب نتـفـت أهـدابـه
أنا لا " أنكر أني " ( حلوه ) .. " لاأنكر" صح .؟ يالله آب=خطـا .. معلـش فـي هالبيـت عـذرًا ننهـي أبآبـه
وصلنا وين .. ؟ هواوي ..صح !؟ أنا هاوي ولي أحباب=صبـر آسـف مـو أحبـاب .. كـذا وحـده ولعابـه
وأنـا برضـو علـى الحبليـن متمـيـز بهالألـعـاب=وأخـذت المركـز الأول عـلـى هالجـيـل بالعـابـه
أمشيهـم علـى كيفـي وأخليـهـا ذهــاب أيــاب=ومـن يذهـب علـى كيفـي أحـدد موعـد .. أيابـه
أنـا كنـت المعلـم وأشـرح أدروسـي لهالـطـلاب=وصـرت الرمـز للتـدريـس وللتعلـيـم وطـلابـه
مدام أن البشـر مـن طيـن أو خلنـا نقـول أتـراب=أنـا مـن جيـت للدنـيـا أدوس الطـيـن وتـرابـه
أنا عايش على هـالأرض ولافيهـا حسبـت أحسـاب=وربي من أنخلـق لليـوم شخـص ٍ أحسـب أحسابـه
ولكن .. آه .. يا .. لكـن وكـل شـي ٍ ولـه أسبـاب=وأنا حظي عطانـي " كـف " وكـان العشـق أسبابـه
غلط مني .. عشقت وجيت أشيل من الضلوع أحطـاب=مدام اللـي كسـرت صـدري معاهـا فـاس وحطابـه
خذت قلبي .. من ضلوعـي وصـاح الذنـب للتـواب=ياربـي أغفـر ذنوبـي .. ونفـس السـوء تـوابـه
سرجت من الوفا .. مهـره وطاحـت وأنكسـر ركـاب=وهـم قالـو وعلـى ماقيـل يعـرف الخيـل ركـابـه
وأنا خيـال أبـن خيـال وراس الخيـل منـي شـاب=علـى ظهـر الأصايـل .. ماتركـت السيـف بجرابـه
ولكـن الزمـن خايـن وانـا ويـا الزمـان أصحـاب=غدربي .. وليه يغدربي !!؟ .. وكنـت أعـز أصحابـه
يبينـي لقمـة ٍ سهلـه علـى المخـلاب والأنـيـاب=وقيل " أن لـم تكـن ذئبًـا بتاكـل لحمـك .. ذيابـه
وانا ماني عشى للذيب .. أنا اللـي قـد أكلـت أذيـاب=عليـه تشهـد أنجـوم السمـا والضلـع ومرقـابـه
وأذا كان الزمن مبسوط !! .. قبلـه مافرحـت أشنـاب=ومن يطرق لبـاب النـاس .. تطـرق العـرب بابـه
أنا ماجيت هي جتنـي .. وقالـت أعشقـك بأعجـاب=وأنـا كلـي فخـر بالشعـر والجمهـور وأعجـابـه
وقامت تحكـي وتحكـي وانـا واقـف بـلا أستيعـاب=وأراقـب عينهـا وشفاتهـا الـلـي حـيـل جـذابـه
وتسألنـي " وأتمتـم " بالحكـي مـدري لسانـي ذاب=وحلقي ضـاع وحنجرتـي تخنـق الصـوت مرتابـه
هنـا كانـت بدايـات الـغـلا للمظـهـر الـجـذاب=خدعنـي شكلهـا رغــم أن هالأشـكـال تتشـابـه
غلطت وجيت من أقصاي .. وخانتني بعـذر .. أغيـاب=تقـول اللـي يغيـب أحـاول أتسـلا عـن أغيـابـه
وقالت الوفـا .. " للكلـب " وحنـا لانصيـر " أكـلاب"=وهـي كلبـه وبنـت الكلـب خانتنـي مـع كـلابـه
وذكـرت الكلمـه اللـي قالهـا مـره لـي " البـواب"=ترى كـل النسـاء أتخـون " وأحـذر " منهـم يابـه
وخير أشصار لوطارت وباقـي فـي سمـاي أسـراب=وراحـت قبـل لتعـشـى بـهـا لغـيـري تغـدابـه
شعار الحب " هات وخذ " وأنـا مـن ياخـذ ولاجـاب=بعكس العكس " أخذ وهات " أخـاف أعطيـه وأبلابـه
حسافـه هالقصيـده فـي " غبيـه " مالهـا أعــراب=وأنـا للشعـر فـي عينـي مكـان ٍ يصعـب أعرابـه
قلبـت الطاولـه فـوق الكراسـي وروس هالكـتـاب=وخليـت الشعـر يعـرف مــدى قــدرات كتـابـه
أمانه لارحلـت .. وصـارت أحروفـي هنـا أغـراب=أبـي واحـد .. يـردد قصـة " العصفـور والغـابـه

للاستماع

7 - من الآخر

ياموتك أنتي يا أنا أموت وأرتـاح=مافيه غير الحل هذا مـن الآخـر
واللي يعيش بيعرف إن الغـلا راح=ولا يعود اللـي أندفـن بالمقابـر
الموت أرحم من حيـاة ٍ بالأتـراح=مليت أقول إن الفرج جاي وناطـر
لو للمنايا سيوف أنا عشقي أرماح=أوجاع شقّة صدري تنهي وتامـر
ودي بموتي منك وأنتي لي ذبـاح=عشان قبل أموت أبوس الخناجـر
تعبت وقلبي على غصن الشقا ناح=ماعاد فيني حيـل بالصبـر أكابـر
محروم منك ومن حواليك بأفـراح=يسعد صبـاح الجامعـه والدفاتـر
ماغير أنا أتخّيلـك ويطيـح تفـاح=عجزت أحل اللغز والغيـم شاطـر
كنت أحسب إني فاهم وماخذ أوشاح=قبـل تقولـي ياحلـو روح ذاكـر
والحين جيتك طير ٍ وذيب وسبـاح=ومجنون وعاشق كلها وسط شاعر
لاتقولي أصبر والصبر داخلي فـاح=وأحرق ثيابي جمر من كبد صابـر
يممت لك وجهي بعـد بارقـك لاح=وأطوي لك البيدا بكـف المخاطـر
معبودة الحسن إنخلقتي بمصبـاح=والليل أسلم عقـب ماكـان كافـر
منك أنشرح ليل ٍ به آلام وأجـراح=ويرتلك مهـووس ٍ أيـام ساهـر
كان العمر عندي على شكل مسباح=الخيط روحي والخرز أمس وباكـر
والخيط بيدك صار بس الخرز طاح=تكفيـن لمّـي كلـي اللـي تناثـر
والله واللي حـط بأجسادنـا أرواح=إن كان متيّ لينبش القبـر جابـر
ودي أموت ولا تموتيـن أبرتـاح=أخاف لـو متـيّ أحفـر المقابـر

للاستماع

8 - ثوبي كفن

ثوبي كفـن وظلـم الأيـام تابـوت=دنياي سوّت بي كذا ليه مـدري !؟
كم لي وأنا مسافر على رحلة الموت=تعبت أدوّر ويـن محفـور قبـري
كل وجه أشوفه يبتسم وجه حانـوت=وكل المدامع مابكت غيـر عمـري
كذب السنابل تسمعه شجرة التـوت=والحيّ عيا ماسمع ويـش عـذري
أنا الضياع اللي سكن جلد هلفـوت=وأنا الوحيد اللـي ملاييـن كثـري
كنت الصغير اللي بنا برجه الحـوت=والحوت مات وبرجه ماعاد كبـري
أعوام أشيل أبداخلي جمـر مكتـوت=مليت أشيله داخل ضلـوع صـدري
كل يوم أقول الهم لحظـات ويفـوت=واللي يفوت اليوم ولا فاد صبـري
تطري عليّ أشياء كثيره بلاصـوت=ودّم الغريب اللي إندفن معه سـري
منظر عذاب بلوحة العيـن منحـوت=واللي يبرّوز لوحة الحـزن فكـري
صرت أحسد المجنون وأقول مبخوت=عذره معه لو قـال قالـوا يهـذري
تعبت وحيلي أنهد والغصن محتـوت=سنين وحملي يشتعل فوق ظهـري
يسقط من أيدين المسا أنسان مفتوت=وألمّلمّه وأنسى بعض منه وأسـري
أجزاء مني واضحه وجزء مبهـوت=يلقاني اللي يدرس بيـوت شعـري
ياموت تكفى أشتقتلك حيل يامـوت=ودي أضمك وأحضنك وسط قبـري

للاستماع

9 - امسك اعصابك

ياهوه أمزح معـك لـو قلـت لـك إنـي أبـي فرقـاك=ورّب الكـون أستعبـط .. وألــك الـحـق بعتـابـك
دخيلـك أسمعـي منـي وحـق اللـي كـذا .. سـواك=علـيـك الله ووجــه الله وراس أهـلـك وأحبـابـك
لأجـل الله ولجـل اللـي يصيـح أبداخـلـي ينـخـاك=تعالـي الله يخليـك ويرحـم بـطـن مــن جـابـك
أنا ماكنـت أصـدق إنـي فـي حلـم الكـرى بالقـاك=دخليـك دام جابـك حلـم خلـك وأحسبـي أحسـابـك
أبي حق الهـوس اللـي حفـر مخفـي لجـل ذكـراك=وأبـي حـق الذنـوب اللـي مـن الشهـوه توضابـك
أبي أتنفسـك وأسقـي وريـدي مـن رحيـق شفـاك=وأبـي أنبضـك بضلوعـي عشـان أعيـش وأحيابـك
وأبـي أكثـر إذا ممكـن .. وإذا قلتـي تفضـل جـاك=أبي أطلـق عنـان الشـوق وأقطـع جرهـد أغيابـك
أبـي كلـك علـى كلـي بــلا أستيـعـاب أو أدراك=ولانضـطـر نسـتـأذن مــن ثيـابـي ولا ثيـابـك
وأبـي تعذرنـي أطرافـك وتعفينـي مـن الإشــراك=فلـولا الله معبـودي عـبـدّت الخـصـر وأهـدابـك
لأنـك شـي لايعقـل عسـى كــل النـسـا تـفـداك=عساهـن كلهـن فـدوه لكعـب رجلـك علـى ترابـك
يبـوس الـدرب أقدامـك ويتشـرف بـكـل أخـطـاك=وتركـض لـك سنيـن العمـر وتخلـق لـك وتبدابـك
خلقك الله مـن غيمـه وخلـق هالنـاس رحمـة مـاك=نزل ع الأرض وصارت طين وخلقـوّ النـاس بسبابـك
عليـك الله سبحانـه تسّـر العـيـن فــي رؤيــاك=كـأن الحـسـن بأعمـاقـك يــأذن ثــم صـلابـك
مثيـره وأكثـرك يذبـح وحـتـى اللـبّـس يتمـنـاك=وربـي بنطلونـك لــو لمـسـك يـغـار جلبـابـك
دلع مـع غنـج وفتنـه للبشـر .. إغرائـك وممشـاك=على (أردافك ) كذا مكتوب " إخضع وأمسك أعصابك " !؟
وأنـا ونفسـي وأعصابـي وكلـي يشتعـل يـهـواك=متيـم بـك ومجنونـك وأبــي أرتــاح وأهنـابـك
عشقتـك ليـن أتفتـق خفوقـي مـن كثـر مـغـلاك=نشـف دّمـي ولا أدري وش طعـم خوخـك وعنابـك
أحبـك كثـر ماذابـت عيونـي فـي لـقـاك هـنـاك=وأحبـك كثـر مايعشـق نفسّـك وخـدك .. إنقـابـك
وأحبـك كثـر مـن شافـك وراح ولا قـدر ينـسـاك=وأحبـك كثـر مالسانـك سكـر مـن خمّـرة العـابـك
وأحبك كثر من يحّسـدك فـي شعـري وهـو يقـراك=وأحبـك كثـر مانـي فـي قصيـدي نلـت أعجـابـك

للاستماع